بئله قالمئیاجاق
آنا – تایا
ذیروه نین الین نن دنیز یاپیشیر
سئویملی ایستکین ذیروه یه سالیر
گونشین ساچلارین سینه یه آلیر
بیرلیکین سئوگی سی دالغا یارادیر
دنیزلر دالغاسی ذیروه دن گلیر
ترپنمه دالغادا وارلیق بیلله دیر
دالغالار وارلیقی دنیزدن قالخیر
دنیزلر وارلیقی ذیروه دن آخیر
کولتورلر ذیروه سین بیزدن کیم آلیب
تایانی بیزلره آنا کیم دئیب ؟؟
تایادان آنالیق کیم لر بیلله دیب
کیم لرده اوزگه لر وارلیق دئیریلدیب ؟!
توده لر بوزقیری ذیروه سیز قالیب
توده لر دنیزی ذیروه سیز اولوب
بونجاقی بئله دیر دالغاسیز قالیب
دنیز یوخ دالغا یوخ توده آلدانیب
بو تایا ایشی دیر آلدادیش وئریر
بو تایا اوزگه دیر چونده ریش دئییر
بو تایا گلیب دیر چوندرمه سالا
اصیل بیر آنانین یئرینده قالا !!!
***
بئله قالمئیاجاق
ائله قالمادی بئله قالمئیاجاق
وارلیق اوجاقیمیز یانار اولاجاق
کیملیک بوداقیمیز وارا دولاجاق
آیدین گونلریمیز گلیب چاتاجاق
ائله قالمادی بئله قالمئیاجاق
یازقی یئرینی گئنه آچاجاق
سویوموز وارلیقی ان پارلاناجاق
کولتور ایشیقلاری کونول توتاجاق
تایا لار دیللری آجی اولاجاق
اصیل آنا دیلی یئرین آچاجاق
آنا دیل حققی دیرشکر آدلانا
آنا دیل حققی دیر هونر باشلانا
آنا دیل پایلارین گئنه آلاجاق
ائله قالمادی بئله قالمئیاجاق
حق گلسه کافرین بئلی سیناجاق
بوکولموش قامتین توپراق توتاجاق
وارلیقین نغمه سی اونی یاپاجاق
سسلری اونون دا اتیب باتاجاق
کافر تک اودگیل امام ئولدورسون
الینده توشکاینان سویو قیردیرسین
آغ قیریم سالان دا کافر اولاندی
اوزلرین دانان لار کفری یایاندی
گئده جاق کافر ده دا قالمئیاجاق
ائله قالمئیب دا بئله قالمئیاجاق
آغ قیریم قاباغین تعصب آلار
سویوموز واریندا تعصب یازار
قیرت لی ایگید لر بیر یول سالاجاق
ائله قالمادی بئله قالمئیاجاق !!
***