باخیش

کونول سماسی
کونول سماسی بولوت لی اولار
بولوت لار گاه دولار گاه آغلار
آغ بولوت گلنده داریخما اولار
قاراجا بولوت لار وارلیقین سیخار
داریخما مایا دیر وارلیق یازیلا
یازقی لار اوبا دیر کیملیک ساخلانا
چوخلی دا چوخدان تاریخ لر بویی
سویوموز توتوب دی شانلیک هم آغری
آغری لار اویودی قامت قوزادیر
یوخودان سویلاری گوجلی باغیریر
سمائ دنیزینده کونول ناققا دی
کونوللر ناققاسین تانری وارلادی
سینماز بو ناققا آییری بیر اوککه
ساتماز وارلیقین قالا دیله که
چیخماز دنیزدن گولده ساخلانا
وئرمز وارلیقین الده توولانا
سیندیر سالار دا قاجدان ایسته مز
آلچاق بیر حیات دا کرامت بیلمز
کونول سماسی کرامت سئویر
ارلیق بقاسی کرامت دئییر
تانری تقوی نان اوستون بیلدیریر
سلطه وارلارین پوزوب سیلدیریر
شیطان اوتانمیر سلطه آختاریر
کرامت دیلین بوغازدان قیریر
***