باخیش

 

 

اورمو مارالی

گوزللیک اورمودان یاغان اولوب دی
اورمونون دوزلاقی دوزا دولوب دی
دوزلاقین بویانی بوزقیر قالیب دی
بوزقیر لار چمنی داراق لانیب دی
ماراللار داراق لیر گوزل چمنی
بارماق لار اوینادیر کولتور وطنی
کولتورون بدنین مارال داراق لیر
کولتوری وارلیقدا گوزل ساخلادیر
مارالین باخیشی درین باخیش دیر
مارالین هر ایشی گوزل بیر ایش دیر
تانریدان یارانیش احسن دی احسن
مارال دا نقصان یوخ نمنه دئیه سن
اورمونون گوزلی مارال اولوب دی
مارالین گوزلری یاشا دولوب دی
سئوینج گوز یاشین مارال اله دیر
سه په لیر اورمودا توپراق نم له نیر
هر دنه گوز یاشی یئردن بیتیری
کولتورلر پایاسی نئجه قالخیری
تعصب یاش اولوب یاغیر گوزون نن
آخیری مارالین آغیز گوزون نن
آنا دیل بولاقی اوننان جوشلانیر
قیرتلی گوزلین سوزی باشلانیر
آنا جان دایاق اول من اولوم اویاق
ایکیمیز قاجلارین اوزونه باخاق
اوتانسین اوتانماز تالان سالماسین
چیراق الده گلیب وار آپار ماسین
آنا جان دولانیم باشییان سنین
نازلانیب نازلانیم وارییان سنین
آدلانیب آدلانیم آدییان سنین
گوزللیک باغیندا باغلانیم سنین
آنا جان سنی نن مارال اولموشام
رایحه سنی نن اوزوم آلمیشام
کولتورون باغیندا سن نن قالمیشام
دوشونجه باغیندا بوداق اولموشام
اورمونون باغلاری گوزل دیر گوزل
مارالین وارلیقی هر باغدا گوزل
بولاقلار سنی نن کولتوری توکر
کولتورون چمنین مارال دا بیچر
               ***